qntal - herbst lyrics

jarlanc wil diu linde
vom winde
sich velwen,
diu sich vor dem walde
ze balde
kan selwen.
truren uf der heide
mit leide
man uebet:
sus hat mir diu minne
die sinne
betruebet.

mich hant sende wunden
gebunden
ze sorgen:
diu mouz ich von schulden
nu dulden
verborgen.
diu mit spilnden ougen
vil tougen
mich seret,
diu hat min leit niuwe
mit riuwe
gemeret.

gnade, frouwe, reine!
du meine
mich armen!
la dich minen smerzen
von herzen
erbarmen!
min gemuete enbinde
geswinde
von leide!
uz der minne fiure
din stiure
mich scheide!

jarlanc wil diu linde ...